SHA KI LANOT PLUH ING LEIT SYNNIANG KI DKHOT KA HNYF MAWHATI CIRCLE

Nongpoh, Iaiong. 27: Ha kine ki khyndiat taiew bad khyndiat ka la don bha ka jingshah lyngshop ki ing ki sem, ki khlaw ki btap da ka jingshah bamduh haki thylliej ding kat haduh ba kiba bun ki longing longsem ki la duh noh ia la ki jong ki ing ki sem ryngkat ki jingdon jingem jong ki kaba la mih na ka daw jong ka jingbam duh ka ding, bad lah ban ong ba kiba ngat ha kum kane ka apot jong ka jingpluh bad ingkhong ki ingsah ki dei hi ki longing kiba duk kiba jynjar ki bym kot bor ban shna ing da ka cement bad ki ing paka hynrei kiba lah ban shna tang ban lait na ka sngi na u slap da kaba shna tang da ki tyrpait siej bad tap da ka tin.

Ha kawei ka jingjia pluh ing haka shnong Ingsaw ha Ri Bhoi District ka shnong kaba don sha ki thain Mawhati, ka ding ka lah bam duh lut khait katba don bad baroh ki jingdon jingem ki la ingkhong ha katei ka jingpluh ka ding haka ing jong ki.

Ym lah ban tip iaka daw jong ka jingpluh katei ka ing hynrei ki para marjan ki la iohi hadien ba ka ding ka rhem ka la klang bha bad ym shem la lah shuh ban pynlip bad katei ka ding ka la bam jem haduh da ingkhong lut khait.

Kane ka jingjia ka la jia haka 24 tarik u iaiong 2024 haka por kumba 6 baje eiei haka por janmiet, kane ka ing ka dei ka ing jong I Kong Aidimonlang Shadap.

Da ka jingsngewlem bad kum ka dak jong ka jingkyrshan ia kane ka longing na ka liang jong ka Seng HNYF Mawhati Circle ka la leit ban synniang da ki tin sop ing ar band bad katto katne ki tiar shet tiar tiew ba kin ioh pyndonkam, hynnin ka sngi kata haka 26 tarik u Iaiong 2024 ki dkhot jong ka Seng HNYF kiba kynthup ia u Bah Kynsai Shadap uba dei u Secretary, u Bah Pilos Masharing uba dei u dkhot kane ka circle ki la leit ban pynpoi ia kitei ki jingiarap.

 


Discover more from shillongtoday.com

Subscribe to get the latest posts to your email.