Sdang Ka Inter School Athletic Meet Ka Ophis U DSO Ri Bhoi, Wan iashimbynta haduh 30 Tylli Ki Skul

Sdang Ka Inter School Athletic Meet Ka Ophis U DSO Ri Bhoi, Wan iashimbynta haduh 30 Tylli Ki Skul

Nongpoh, Jymmang 10: Nongpoh Jymmang 9: Ka lympung ïalehkai Sports jong ki khynnah skul ba la tip kum ka “District Level Inter School Athletic Meet 2024” ha Ri Bhoi District, kala sdang haka 9 Tarik Jymmang2024 ha kaba u Bah Finely L. Pariat General Secretary, Meghalaya State Olympic Association (MSOA) u la wan ban plie pyrda ia kane ka lympung bad kum ka dak jong ka jingplie la pynkiew ïa ka lama jong kane ka lympung ialehkai jong ki skul bapher bapher, lah ban kdew ba kane ka “District Level Inter School Athletic Meet 2024” ha Ri Bhoi District ka dei kaba la pynïaid da ka ophis jong u District Sports Officer Ri Bhoi District Nongpoh

Ia kane ka lympung ïalehkai jong ki skul ha Ri Bhoi yn pynlong haki 3 sngi lynter kaba la sdang naduh ka 9 tarik bad pynkut haka 11 tarik u Jymmang 2024 la pynlong ha madan NSCA Pahamsyiem, bad ha kane ka lympung la wan ban ïashim bynta haduh 30 tylli ki skul bapher bapher napoh Ri Bhoi District.

Ha kane ka sngi la ïa don lang ruh da u Bah Gordon S. Langstieh uba dei u Functional Manager DCIC Nongpoh, u DSO ka Ri Bhoi District u Bah Boby Nongbet, u Bah R.B Shadap uba dei u President Ri Bhoi District Sports Association u Rangbah shnong ka Shnong Pahamsyiem u Bah Jedwin Lyngdoh bad kiwei kiwei,

Sdang Ka Inter School Athletic Meet Ka Ophis U DSO Ri Bhoi, Wan iashimbynta haduh 30 Tylli Ki Skul

Ha kane lympung la phiah iaki ïa ki khynnah skul kiba iashimbynta haki jingialehkai bapher bapher ha ki lai tylli ki kyrdan kiba kynthup iaka Under-14, Under-16 bad Under-18 na ka bynta ki khynnah shynrang bad kumjuh ruh na ka bynta ki khynnah kynthei.

Haba ai jingkren hashwa ban kyntiew ïa ka lama u Bah Finely L. Pariat u la ai khublei ïa ka ophis u DSO ka District Ri Bhoi kaba lah ban pynïaid ïa kane ka jingïalehkai sports na ka bynta ki khynnah skul ha kane ka District kaba long ka jingnangkyntiew iaki jingialehkai ha kane ka District bad ka jingnang pynproh iaka jabieng jong ki khynnah skul namar ki khynnah ki dei ban nang iaki jingialehkai nalor ka jingnang ban iaka thoh ka pule bad u la kitbok kitrwiang ruh ïa baroh ki khynnah skul kiba la wan ban ïashim bynta ha kane ka lympung ïalehkai.


Discover more from shillongtoday.com

Subscribe to get the latest posts to your email.